Gatuaje rizoton si një italian, shmang këto gabime të zakonshme

0
12

Nëse pilafi i bardhë është një pjatë e zakonshme që zakonisht shërben si shoqëruese për shumë receta, rizoto me lëng pule është i pari që italianët gatuajnë me përsosmëri. Por nuk është e lehtë për t’u gatuar pa bërë gabime. Ju mund ta përgatisni në shumë mënyra dhe me shumë përbërës. Rizoto me lëng pule “alla Milanese”, është ai më klasiku me shafranin e Indisë, pastaj është ai me domate, rizoto me kërpudha, rizoto me prodhimet e detit, rizoto me kungull.

 

Ka edhe variante me luleshtrydhe, boronica apo panxhar të kuq ose me shegë, rizotoja tipike në prag të Vitit të Ri.
Me pak fjalë, ju me të vërtetë mund të bëni shumë gatime të veçanta në kuzhinë, me përbërësit që ju pëlqen, por duhet të jeni shumë të kujdesshëm.

 

Receta bazë për rizoton

Për të përgatitur një rizoto të thjeshtë ju duhet së pari të zgjidhni orizin e duhur. Llojet ‘Carnal’, ‘Vialone Nano’ ose ‘Arborio’ janë ato idealet. Pastaj skuqni një qepë të prerë në copa, vaj ulliri dhe pak gjalpë. Copat e qepës duhet të jenë dukshëm më të vogla se kokrrat e orizit. Skuqeni qepën ngadalë në zjarr të ulët, pa e djegur atë. Pastaj shtoni orizin, në përgjithësi 1 deri në 2 grushta për person dhe skuqeni për disa minuta me qepën.

 

Mund të shtoni në këtë pikë me diçka alkoolike, si një gotë vere e bardhë. Shtoni lëngun e mishit, ose të perimeve, me garuzhde, derisa ta pijë orizi, shtoni edhe një lugë gjalpë, pasi ta keni mbyllur zjarrin dhe në fund hidhni edhe djathë të grirë, nëse ju pëlqen.
Kjo është një recetë bazë klasike, në të cilën ju mund të shtoni çfarë të doni dhe të ndryshoni renditjen e përbërësve.

 

10 gabimet:

1.Rizoto gatuhet në moment dhe duhet të shërbehet menjëherë në tavolinë. Mos e ngrohni asnjëherë.
2.Zgjedhja e orizit është e rëndësishme. Llojet ‘Carnal’, ‘Vialone Nano’ ose ‘Arborio’ janë ato idealet.
3. Orizi nuk duhet larë, sepse humbet disa nga vetitë e tij.
4. Skuqja e orizit është shumë e rëndësishme. Mos keni merak se nuk digjet.
5. Hidhni gjithmonë pak verë në recetën e rizotos. Shërben për të hequr yndyrën e tepërt nga kokrrat e orizit.

 

6. Gatuajeni me lëng mishi të bërë në shtëpi dhe mos harroni që ta përdorni gjithnjë shumë të nxehtë.
7. Mos e trazoni shpesh, sepse kokrrat e orizit e humbasin niseshtenë dhe ngjiten.
8. Mos e trazoni fundin e tenxheres, nëse kokrrat e orizit janë ngjitur.
9. Kur të hidhni gjalpin në fund, përziejeni me një lugë lëng mishi të ngrohtë, duke e hequr nga zjarri dhe thjesht duke e tundur tenxheren.
10. Rizotoja duhet servirur në pjata të ftohta, sepse kështu ndalon gatimi i kokrrave të orizit.

 

PËRGJIGJU

Please enter your comment!
Please enter your name here