Në Vjenë filloi takimi i Dimtrovit dhe Koxiasit me Nimicin

0
10

Filloi takimi i ministrave të  punëve të jashtme të Maqedonisë dhe Greqisë  Nikolla Dimitrov dhe Nikos Koxias me ndërmjetësin Methju Nimic në Vjenë, transmeton MIA.

Ky është raundi i tretë i negociatave të ripërtërira midis dy vendeve për zgjidhjen e pothuajse kontestit tridhjetëvjeçar për emrin e Maqedonisë.

Negociatat për herë të parë pas ripërtëritjes zhvillohen në nivel të ministrave të punëve të jashtme, pasi  për këtë i daakorduan kryeministrat Zoran Zaev dhe Aleksis Cipras në takimin në Davos muajin e kaluar.

Dimitrov dhe Koxias dje patëm takim në Vjenë, ku i harmonizuan pozicionet para takimit të sotëm me Nimicin.

Nuk ka informacione nëse në takimin e sotëm do të shqyrtohet draft-marrëveshja, të cilën për në mes të shkurtit e paralajmëroi Koxias.

Ministritë e punëve të jashtme të të dy vendeve dhe pres shërbimi i KB-së, dje njëkohësisht e paralajmëruan takimin mes dy minsitrave me Nimicin.

Raundin e ri të bisedimeve që nga java e kaluar e paralajmëroi kryeministri Zoran Zaev, i cili theksoi se Maqedonia bën gjithçka që të dëshmohet se nuk ka kurrfarë motivesh irredentiste.

Zaev e shprehi edhe gatishmërinë e palës së Maqedonisë që të pranohet përcaktimi gjeografik, por përmendi se nuk sheh nevojë për ndryshim të Kushtetutës së vendit.

Emër i përbërë edhe për përdorim të jashtëm edhe për të brendshëm, për të cilin duhet ndryshim kushtetues dhe  tërheqje e të gjitha dyshimeve për qëndrime irredentiste, është korniza që garanton mbylljen e problemit, paralajmëroi sot Cipras në takimin e grupit parlamentar të SYRIZA-s.

Negociatat mes Maqedonisë dhe Greqisë u ripërtërinë më 12 dhjetor të vitin e kaluar në Bruksel, kur me ndërmjetësuesin Nimic u takuan  negociatorët Vasko Naumovski dhe Ademantios Vasilakis. Në raundin e fundit të bisedimeve për emrin i cili u mbajt më 17 janar në Nju-Jork ndërmjetësuesi Nimic doli me një seri sugjerimesh dhe propozimesh dhe vlerësimesh se në shesh është zgjidhje e kontesti shumëvjeçar mes Greqisë dhe Maqedonisë.

Ndërmjetësi kah fundi i muajit të kaluar i vizitoi Athinën, më pas edhe Shkupin, ku kishte takime të ndara me krerët më të lartë të shtetit dhe politikës së Greqisë dhe Maqedonisë.

PËRGJIGJU

Please enter your comment!
Please enter your name here