Qeveria e Kosovës e përkrah Gjukanoviqin për President të malazezëve

0
35

Zëvendësministri i Punëve të Jashtme, Anton Berisha, ka shkruar se beson në fitoren e sotme të Millo Gjukanovic, në garën për President të Malit të Zi.

Në këtë formë, ai ka treguar pozicionin e Qeverisë së Kosovës në raport me zgjedhjet presidenciale malazeze.

Ai ka komentuar veprimet e dy kandidatëve tjerë për President që po paralajmërojnë tërheqjen e njohjes për Kosovën.

“Deklaratat e kandidateve Marko Milaciq dhe Dobrilo Dedeic; per terheqjen e njohjes se Kosoves tregojne jo vetem orientimin e tyre antieuropian por edhe mentalitetin primitiv dhe logjiken e vjeter te nencmimit te shqiptareve”, ka shkruar ai.

“Kjo qasje e tyre antihistorike besoj qe do te merr goditjen e rradhes nga forcat me orientim proeuropian qe do te rezultoj me fitoren e Milo Gjukanoviqit”, ka shtuar Berisha.

Millo Gjukanovic, për Express, u ka premtuar shqiptarëve të Malit të Zi bashkëpunim derisa është zotuar se do të zbatojë marrëveshjen për rishikimin e kufirit me Kosovën.

Ai ka treguar nëse Podgorica do ta respektojë deklaratën Thaçi-Vujanoviq për korrigjimin e gabimeve që Kryeministri Haradinaj insiston se janë bërë kur është shënuar kufiri.

Kreu i DPS’së së Malit të Zi ka folur edhe për vendimin e vitit 2008, kur vendi i tij vendosi ta njohë Kosovën, raportet me Hashim Thaçin, bisedimet Kosovë –Serbi, tentim puçin e vitit 2016 për rrëzimin e tij, të sponsorizuar nga Rusia, paralajmërimet e kundërkandidatëve të tij se do ta anulojnë njohjen e pavarësisë së Kosovës, si dhe pritjet se elektorati shqiptar në Mal të Zi do ta votojë masivisht të dielën

Mali i Zi ishte pavarësuar nga Serbia falë votave të shqiptarëve dhe orientimit të tyre perëndimor.

Malazezët kanë njohur Republikën e Kosovës derisa disa herë kanë kërkuar që malazezët të bëhen kategori kushtetuese në Kosovë, kërkesë kjo që kurrë nuk është përmbushur.

 

PËRGJIGJU

Please enter your comment!
Please enter your name here