Thaçi kujton masakrën e Srebrenicës: Dënimi i kryerësve të gjenocidit do ta shërojë dhembjen e familjarëve

0
56

Presidenti i Kosovës, Hashim Thaçi, ka kujtuar sot masakrën e Srebrenicës, masakrën më të madhe pas luftës së dytë botërore në Evropë. Thotë se Republika e Kosovës asnjëherë nuk do të heqë dorë nga kërkimi i së vërtetës dhe dënimi i kryerësve të këtyre masakrave

Postimi i tij i plotë:

Sot i bashkohemi qytetarëve të mbarë botës, të cilët po e kujtojnë masakrën më të madhe pas luftës së dytë botërore në Evropë, masakrën e Srebrenicës.
Fëmijë, gra e burra u vranë egërsisht, prandaj vetëm njohja e së kaluarës dhe dënimi i kryerësve të gjenocidit, do të shërojë plotësisht dhembjen e familjarëve të tyre.
Masakra e Srebrenicës, 23 vjet më parë, fatkeqësisht nuk e ndali regjimin e Millosheviqit të kryejë masakra të tjera në Kosovë, me përmasa të një gjenocidi të ri.
Republika e Kosovës asnjëherë nuk do të heqë dorë nga kërkimi i së vërtetës dhe dënimi i kryerësve të këtyre masakrave. HTH

 

PËRGJIGJU

Please enter your comment!
Please enter your name here