Zëri nga Moska – vetëm kushtetuta e Serbisë dhe Rezoluta 1244

0
53
Rusia ka konfirmuar mbështetjen ndaj Serbisë në përpjekjet për zgjidhje me Kosovën.

Rusia do ta mbështesë çdo zgjidhje në lidhje me Kosovën e cila ka pajtimin e popullit serb dhe është në përputhje me kushtetutën e Serbisë dhe Rezolutën 1244 të Këshillit të Kombeve të Bashkuara.

Ky është përfundimi i dalë nga takimi i Ministrit të Inovacionit dhe Teknologjisë, Nenad Popoviq dhe presidentit të Këshillit për politikë të jashtme në Rusi, Konstantin Kosaçov.

Popoviq i ka shfaqur mirënjohje Rusisë dhe presidentit Vladimir Putin në mbështetjen e vazhdueshme të tij për ruajtjen e integritetit territorial dhe sovranitetit të Serbisë, shkruan “B92”, transmeton lajmi.net.

“I falënderohemi Rusisë për respektimin e të drejtës ndërkombëtare dhe qëndrimit të mbështetjes vetëm për zgjidhjet që Kosova të jetë në përputhje me ligjet e Republikës së Serbisë dhe Rezolutës 1244”, deklaroi Popoviq i cili shtoi se “vetëm një zgjidhje e tillë garanton ruajtjen e paqes dhe të ardhme ekonomike për serbët dhe shqiptarët në Kosovë”.

Kosaçov po ashtu ka theksuar se populli serb në Kosovë mund të mbështetet tek përkrahja e Rusisë.

“I porosis serbët në Kosovë se Rusia është me popullin serb dhe me Serbinë”, deklaroi ai, transmeton lajmi.net.

Popoviq dhe Kosaçov kanë biseduar edhe për format e ndihmës ekonomike për komunitetin serb në Kosovë si dhe për kthimin e serbëve në Kosovë.

PËRGJIGJU

Please enter your comment!
Please enter your name here