Flet vajza e Bajram Rexhepit, e habitur se si babai i mbet jashtë Fjalorit Enciklopedik

0
33

Ishte kryeministri i parë i Kosovës, doktor nga Mitrovica, ai që gjatë luftës shëroi edhe plagët e luftëtareve të UÇK’së, e pas vitit 1999 pati edhe funksione te tjera të rëndësishme si: deputet, ministër e kryetar komune.

Me gjithë rolin që pati, Bajram Rexhepi nuk është përfshirë në asnjërën prej 1818 faqeve të Fjalorit Enciklopedik të Akademisë së Shkencave dhe Arteve të Kosovës.

Pritjet e Vanesës, vajzës së tij, ishin që babai i saj të jetë pjesë e fjalorit.

Kryeredaktori i enciklopedisë, Mehmet Kraja, ka pranuar se është bërë gabim në rastin e mospërfshirjes së ish kryeministrit te Kosovës, Bajram Rexhepit.

Nuk është se mungon vetëm ish politikani nga Mitrovica, fatin e njëjte kishte edhe nënkryetari i PDK’së, Memli Krasniqi. Megjithatë, Milazim e Teuta Krasniqi janë pjese e fjalorit.

Në Fjalorin Enciklopedik të Kosovës nuk janë edhe disa nga revistat e gazetat të botuara gjatë viteve 90’të si: “Demokraci Autentike e Ukshin Hotit” dhe “Bota e Re”, por përfshihen shumë të tjera që nuk kanë vlerën e atyre që mungojnë.

Ish-redaktori i gazetës Bota e Re, Daut Demaku, thotë të jetë ndjerë për këtë gjë.

Ai vlerëson se një fjalor enciklopedik të tillë do të mund ta bënte kushdo tjetër më mirë se Akademia e Shkencave.

Se ka të mangësi në këtë botim të akademikëve, e thotë edhe Shkodran Imeraj, historian dhe këshilltar i ministrit te Arsimit. Ai vlerëson se do duhej te përfshiheshin gjithë delegatët e viteve te 90-ta dhe nënshkruesit e Deklaratës së Pavarësisë.

Por, ne fjalor gjejnë vend politikanët si: Presidenti Thaçi, Kryeparlamentari Veseli e Kryeministri Haradinaj. Aty janë gjithashtu edhe tre vëllezërit e tjerë Haradiaj, Dauti, Luani e Shkëlzeni.

S’kanë se si te mungojnë as Adem Jashari, Adem Demaçi, e Ibrahim Rugova, edhe pse viti i lindjes se këtij te fundit ishte gabim.

E megjithë gabimet e evidentuara në këtë botim, Kraja ka një vlerësim pozitiv punën e bërë të gjithë Akademisë së Shkencave dhe Arteve të Kosovës.

PËRGJIGJU

Please enter your comment!
Please enter your name here