Nis mësimi, mungon mësuesja

0
22

Ka tre javë që nxënësit e Kosovës nuk kanë shkuar në shkollë. Kjo për arsye se mësuesit kishin hyrë në grevë me kërkesën për rritje të koeficientit.

E me gëzim e kishin pritur fillimin e gjysmëvjetorit të dytë, nxënësit e klasës 1/3 .

Dëshira e madhe për ta takuar sërish mësuesen i bëri që të vijnë më herët në shkollë.

Por në klasë nuk hyri mësuesja e tyre por një mësuese tjetër.

Për ta zëvendësuar mësuesen kujdestare, drejtoria e kësaj shkolle kishte dërguar tri mësuese të cilat deri në përfundim të orarit do të përkujdesen për gjashtë vjeçarët.

Madje një nxënës i kësaj klase mësuesen prezentë nuk po e njeh.

Por as kjo mësuese nuk do të qëndrojë gjatë me këta nxënës pasi është e angazhuar në një tjetër klasë.

E për një mësuese të re shkolla ende s’ka bërë zgjidhje.

Ky ndryshim ka shqetësuar prindërit, të cilët thanë se u njoftuan me vonesë për mësuesen e re.

Por para se të gjenin zëvendësimin drejtoria e shkollës i kishin thënë prindërve që të gjenin ata zgjidhje për nxënësit.

T7 ka kontaktuar edhe me drejtorin e Arsimit në Prishtinë, ku përmes një shkrese kanë pranuar që janë të njoftuar me rastin dhe se zgjidhja do të bëhet brenda kësaj jave.

 

PËRGJIGJU

Please enter your comment!
Please enter your name here