E shpëtuan nga dënimi i përjetshëm, ministrja Gjonaj: Të ndëshkohen 3 gjyqtarët e çështjes Dajti

0
17

Ministrja e Drejtësisë, Etilda Gjonaj, i kërkon institucionit të ri të Reformës në Drejtësi, Këshillit të Lartë Gjyqësor, ndëshkimin e tre gjykatësve që vendosën të pranojnë kërkesën për gjykim të shkurtuar të Dajtit, duke e dënuar me 25 vite burg.

‘Ju bëj me dije se ministria e Drejtësisë ka kryer verifikimet paraprake dhe rezulton se trupi gjykues i kësaj çështje, me shumicë votash ka vendosur ndryshimin e vendimit të gjykatës së shkallës së parë për burgim të përjetshëm.

I jam drejtuar KLGj me kërkesë për hetimin disiplinor dhe shkarkimin nga detyra të gjyqtarëve.

Nga verifikimet rezulton se gjyqtarët kanë pranuar një kërkesë për gjykim të shkurtuar në kushtet kur kjo kërkese në gjykatën e shkallës së parë për Krimet e Rënda ishte paraqitur jashtë afateve të parashikuara nga ligji.

Jam besim plotë se KLGJ-ja do të veprojë shpejt për procedimin disiplinor. Reagimi i qeverisë nuk ndalet as këtu, por edhe as me kaq’, u shpreh Gjonaj.

 

PËRGJIGJU

Please enter your comment!
Please enter your name here