Pas letrës amerikane, krerët e shtetit mblidhen në një restorant në Prishtinë

0
23

Krerët e shtetit janë mbledhur sot në një restorant në Prishtinës, pas letrës së dërguar sot në adresë të tyre nga Shtetet e Bashkuara të Amerikës.

Presidenti Hashim Thaçi ka mbajtur një takim sot me krerët e koalicionit qeverisës në një nga restorantet e Prishtinës.

Brenda ambientit ku po zhvillohej takimi mësohet të jenë aktualisht kryeministri Ramush Haradinaj, ministri i Jashtëm, Behgjet Pacolli, si dhe ministri i Tregtisë, Endrit Shala.

Të pranishëm aty janë parë edhe zëvendëskryeministrat Dardan Gashi e Fatmir Limaj.

Pjesë e këtij takimi kanë qenë edhe  ministri i Punëve të Brendshme, Ekrem Mustafa dhe  ministri i Infrastrukturës Pal Lekaj.

Asnjëri nga ta nuk ka dhënë detaje për mediat në lidhje me takimin e mbajtur.

Presidenti i vendit Hashim Thaçi raportohet se ka qenë i pari ai që ka lëshuar mbledhjen me partnerët e koalicionit qeverisës, takim ky i paparalajmëruar që ndodhi sonte në njërin nga restorantet në Prishtinë.

Pritet të merret vesh në vazhdim se çfarë ka ndodhur në këtë takim dhe nëse është marrë ndonjë vendim.

PËRGJIGJU

Please enter your comment!
Please enter your name here