Demonstrata e vitit 1981, flet ish-studentja që përplasi e para pjatën në Mensën e Studentëve

0
60

Bahrije Besimi, ndihet me fat që ishte pikërisht ajo që e kishte hedhur e para pjatën në Mensën e Studentëve, më 1981.

Ish-studentja e viteve të 80-ta ka rrëfyer si ka ndodhur ajo që e quan revulucion në vitin 1981. Ajo për të paren herë ka treguar se si e kishte hedhur pjatën në Mensë, kur kishin shkuar për të ngrënë darkë.

Ajo ka theksuar se nuk ka qenë e planifikuar që ajo ta hidhte pjatën, por ajo kishte ndodhur në mënyrë krejt spontane.

“Kisha fatin që unë ta hidhja pjatën, s’kam qenë e caktuar, por ishte e përgatitur që diçka të ndodhte, duhej vetëm një shkëndijë e vogël për të ndodhur pastaj revolta e përgjithshme studentore”, tha Besimi, në emisionin “Imazh” të RTK.

Ajo ka treguar se nga ai moment janë refuzuar edhe pjatat e tjera dhe të gjithë studentet janë bërë bashkë dhe të gjitha tavolinat janë kthyer mbrapshtë.

Pas kësaj Bahrije Besimi tha se vullneti për të ecur përpara me kauzën e madhe ishte i jashtëzakonshëm. Ajo ka treguar se pas kësaj ajo ishte vënë në shënjestër të UDB-së dhe përcillej bashkë me grupin që bënë veprime të tilla në ilegale.

Besimi ishte arrestuar pas pak kohesh duke e quajtur forcat e rendit të asaj kohe si irredentiste dhe seperatiste, por falë grupit të saj ajo nuk kishte qëndruar më shumë se 48 orë në burg, por tha se ato 48 orë ishin sa 48 vjet burgim për shkak të torturave që ia kishin bërë forcat e sigurisë.

PËRGJIGJU

Please enter your comment!
Please enter your name here