Deputeti i VV’së thumbon LDK’në: Do t’jua kishim shkarkuar edhe Isa Mustafën, si Agim Veliun

0
56

Deputeti i Kuvendit të Kosovës nga radhët e Lëvizjes Vetëvendosje, Dimal Basha, u ka thënë kolegëve deputetë nga radhët e Lidhjes Demokratike të Kosovës se Qeveria Kurti do t’ua shkarkonte edhe kryetarin e partisë, Isa Mustafa, nëse do të kishte qenë pjesë e ekzekutivit. 

“Edhe Mustafën do t’ua kishim shkarkuar, do t’ju kishim liruar edhe prej tij”, është shprehur Basha në seancën e Kuvendit për mocionin e mosbesimit ndaj Qeverisë.

“Keq e keni, nuk funksionon në këtë qeveri nëse nuk punon”, ka theksuar ai, duke mbrojtur kryeministrin Albin Kurti për shkarkimin e ministrit të Punëve të Brendshme, Agim Veliu.

Basha u ka thënë deputetëve të LDK’së së as ata vet nuk e duan Agim Veliun, prandaj, sipas tij, i liruan nga ai.

Ai ka thënë se LDK’ja po e prishë Qeverinë për të bashkëpunuar me presidentin Hashim Thaçi.

“Agima ka plot, këso qeverie Kosova nuk ka pasur kurrë”, ka shtuar Basha.

PËRGJIGJU

Please enter your comment!
Please enter your name here