Limaj: Autostradën “Arbën Xhaferi” e ideova unë

0
17

Sot në orën 12:00, do të bëhet përurimi i Autostradës “Arbën Xhaferi”, që do të lidh Kosovën me Maqednoninë. E gara brenda partive në pushtet, për të marrë meritat për ndërtimin e saj është shumë e ashpër.

Derisa dje zëvendëskryeministri nga radhët e PDK’së, Enver Hoxhaj, thoshte se kjo autostradë është ideuar nga PDK’ja, kreu i NISMA’s, Fatmir Limaj, thotë se ndjehet mirë që tashmë po realizohet një projekt madhor që e kishte ideuar sa kishte qenë ministër i Transportit dhe Telekomit pa e përmendur fare partinë që atë kohë i takonte.

“Të nderuar qytetarë, pak orë na ndajnë nga përurimi i autostradës “Arben Xhaferi”, autostradë kjo që do ta lehtësojë qarkullimin e njerëzve dhe mallrave dhe do ta lidhë Kosovën me vendet fqinje. Ndjehem mirë që sot po finalizohet një projekt madhor dhe strategjik i ideuar dhe projektuar në vitin 2007 në kohën kur e drejtoja Ministrinë e Transportit dhe Postë Telekomit. Pas “Rrugës së Kombit”, autostrada “Arben Xhaferi”, është projekti më strategjik i cili e ofron Kosovën me rajonin.Urime qytetarëve të Kosovës për këtë projekt madhor.(Foto e vitit 2010, koha kur drejtoja Ministrinë e Transportit kur ishte ideuar dhe projektuar ndërtimi i kësaj)”, ka shkruar Limaj në profilin e tij.

Ndërsa dje Hoxhaj ishte kujdesur që meritat t’ia atribuonte partisë së tij, që tashmë udhëhiqet nga Kadri Veseli.

“Nesër do ta inaugurojmë autostradën “Arbën Xhaferi”, një ide dhe vision i PDK-së i projektuar më 2007, që po kompletohet tani. Kjo autostradë ka rëndësi strategjike sepse na afron me një vend fqinj që e kemi aleat dhe mbështetës, i afron popujt tanë dhe krijon mundësi zhvillimi dhe komunikimi edhe më intensiv” , kishte shkruar Hoxhaj.

Përurimi do të bëhët sot nga kryeministri Ramush Haradinaj, ndërsa të ftuar do të jenë edhe krerë të shteteve fqinje.

PËRGJIGJU

Please enter your comment!
Please enter your name here