Nagavci: Si kryemiministër, Kurti do ta udhëhiqte dialogun me Serbinë

0
6

Kandidatja për deputete nga Vetëvendosje, Arbërie Nagavci, ka treguar qëndrimet e kësaj partie në raport me taksën dhe dialogun.

Nagavci ka thënë se më të fituar zgjedhjet Vetëvendosje, dialogun do ta kryesojë Albin Kurti si kryeministër.

Ajo thotë se tashmë Kurti i ka paraqitur pesë hapa se si Kosova do të paraqitet në dialog me Serbinë.

“Asnjëherë ne nuk kemi qenë kundër negociatave, por kemi thënë se duhet të kemi kërkesat tona”, tha ajo në Rtv Dukagjini.

Sipas zyrtares së Vetëvendosjes, në dialog duhen shqyrtuar 33 marrëveshjet e arritura deri më tani gjatë bisedimeve.

Ajo ka thënë se Kosova duhet të caktojë çështjet e panegociueshme siç është ndarja e Kosovës, e më pas ekipi negociator do të merr legjitimitetin qytetar, përcjell Telegrafi.

Sa i përket taksës, Nagavci ka thënë se qëndrimet e Vetëvendosjes për reciprocitet të plotë janë prej shumë vitesh dhe sipas saj tashmë shumë parti po vijnë në këto qëndrime.

PËRGJIGJU

Please enter your comment!
Please enter your name here