Ndeshja e jetës për Rashicën, lojtarët e Kosovës mund të bëhen heronj

0
9
epa07463460 Kosovo's Milot Rashica (3-L) in action agaist Bulgaria's goalkeeper (R) Nikolay Mihaylov during the UEFA EURO 2020 group A qualifying soccer match between Kosovo and Bulgaria in Pristina, Kosovo, 25 March 2019. EPA/VALDRIN XHEMAJ

Trajneri i Werder Bremenit, Florian Kohfeldt i ka uruar suksese Milot Rashicës dhe Përfaqësueses së Kosovës

Milot Rashica mezi po e pret ndeshjen me Malin e Zi, e cila mund të jetë vendimtare për fatin e Përfaqësueses së Kosovës.

Futbollisti kosovar mungoi në dy ndeshjet e shtatorit ndaj Republikës Çeke dhe Anglisë, në kuadër të kualifikimeve për Euro 2020.

Mirëpo, ylli vushtrrias do të jetë në dispozicion të trajnerit Bernard Challandes për duelin e 14 tetorit.

Nëse “Dardanët” fitojnë në stadiumin “Fadil Vokrri” të hënën që vjen, gjasat e tyre për kualifikim në Evropian do të rriten dukshëm.

Dhe, trajneri i Werder Bremenit, Florian Kohfeldt i ka uruar sukses me Verdhekaltrit lojtarit të tij më të rëndësishëm.

“Kjo lojë është gjithçka për Kosovën, lojtarët mund të bëhen heronj. Miloti e ka përpara lojën më të rëndësishme të jetës së tij me Kosovën”, ka thënë trajneri gjerman për tabloidin “Bild”.

Rashica ëndërron të kualifikohet në Evropian me Kosovën, qoftë përmes kualifikimeve, apo edhe nëpërmjet Ligës së Kombeve.

Mesfushori ofanziv së fundmi e la prapa krahëve lëndimin dhe u rikthye furishëm duke shënuar dy gola, ndaj Borussia Dortmundit dhe Eintracht Frankfurt.

Kosova gjendet aktualisht në pozitën e tretë në Grupin A me 8 pikë, një më pak se Republika Çeke, me të cilën do të luftojë për pozitën e dytë.

“Dardanët” do ta zhvillojnë një ndeshje miqësore këtë të enjte me Gjibraltarin, ndërsa të hënën tjetër do të luajnë me Malin e Zi.

PËRGJIGJU

Please enter your comment!
Please enter your name here