Probleme për Bernard Challandes, një tjetër lojtar i Kosovës është lënduar rëndë

0
7

Bernard Berisha do të mungojë së paku gjashtë javë, duke iu shtuar listës së mungesave të gjata, pas Arbër Zenelit dhe Hekuran Kryeziut.

Kombëtarja e Kosovës gjatë këtij muaji do t’i zhvillojë dy ndeshjet “finale” në kuadër të kualifikimeve për Kampionatin Evropian “Euro 2020”.

Kosova e viziton Republikën e Çekisë para se ta presë Anglinë në Prishtinë, në dy ndeshjet finale të Grupit A kualifikuese, të cilat do ta përcaktojnë fatin e Kosovës për pjesëmarrje apo jo në Evropian në tentimin e parë.

Pas ndeshjeve të katërta në grup, Anglia prinë me 12 pikë derisa Cekia ndodhet e dyta me nëntë pikë. 

Kosova zë pozitën e tretë me tetë pikë kurse Mali i Zi dhe Bullgaria i kanë nga dy pikë të grumbulluara.

Përzgjedhësi i Kosovës, Bernard Challandes, edhe për takimet e radhës do të përballet me lëndime.

Krahas të lënduarve Arbër Zeneli dhe Hekuran Kryeziu që mungojnë tash e një kohë të gjatë, së fundmi një lëndim e ka pësuar edhe mesfushori që luan në Rusi me Akhmat Groznyn, Bernard Berisha.

Berisha ka pësuar një lëndim kohëve të fundit në Rusi, derisa bëhet e ditur se do të mungojë rreth gjashtë javë.

Ndryshe, Berisha në 17 ndeshje të zhvilluara këtë edicion në Premierligën ruse, ka realizuar tre gola në 17 paraqitje.

PËRGJIGJU

Please enter your comment!
Please enter your name here