Rasti ‘Karaçeva’, arrestohen edhe 22 persona – shkon në 59 numri i përgjithshëm

0
68

Gjatë ditës së sotme ka vazhduar edhe një aksion i Policisë së Kosovës lidhur me rastin ‘Karaçeva’ ku janë arrestuar edhe 22 persona.

Aksioni ishte vazhdimësi e operacionit të 18 shtatorit ku Policia e Kosovës ka arrestuar lidhur me rastin 37 persona.

Këtë e ka bërë të ditur Prokuroria Themelore e Gjilanit duke treguar se gjithashtu janë sekuestruar edhe prova që do të shërbejnë në procedurë të mëtejme penale.

“Gjatë ekzekutimit të urdhërkontrolleve, në 11 lokacione që lidhen me subjekte ekonomike dhe 17 lokacione që lidhen me persona fizik, janë sekuestruar sasi e konsiderueshme e gjedheve, armëve, sendeve dhe artikujve të dëmshëm ushqimor, mjete që kanë shërbyer për kryerjen e veprave penale, si dhe prova tjera që do të shërbejnë në procedurë të mëtejme penale.”, thuhet në njoftimin e Prokurorisë.

Gjithashtu është lënë të kuptohet se Policia e Kosovës do të vazhdojë hetimet dhe aksionet lidhur me operacionin ‘Karaçeva’.

Ky është njoftimi i plotë i Prokurorisë:

Prokuroria Themelore në Gjilan, ka mbajtur konferencë për media, lidhur me aksionin e zhvilluar sot, në bashkëpunim dhe koordinim me Policinë e Kosovës, Inspektoratin Policor të Kosovës dhe agjencitë e tjera të zbatimit të ligjit, në disa rajone të Kosovës, përfshirë rajonin e Gjilanit, Ferizajt, Prizrenit, Podujevës, Pejës, Suharekës dhe Vitisë.

Ky aksion ka qenë vazhdimësi e operacionit të zhvilluar më 18 Shtator 2020, në zonën e Karaçevës dhe rajone tjera, i cili ka rezultuar me 37 persona të ndaluar.

Operacioni i sotshëm është zhvilluar për shkak të dyshimeve të bazuara se në lokacionet e lartcekura janë zhvilluar veprimtari kriminale, përfshirë kontrabandimin me mallra, vënien në qarkullim të artikujve të dëmshëm ushqimor, blerjen, pranimin ose fshehjen e sendeve të përfituara me kryerjen e veprës penale dhe organizimin e skemave piramidale dhe bixhozit të paligjshëm.

Si rezultat i aksionit të sotshëm janë ndaluar gjithsej 22 persona të dyshuar, në kohëzgjatje prej 48 orëve, të cilët dyshohet se janë përfshirë në aktivitete kriminale, ndaj të cilëve brenda afatit ligjor do të kërkohen masat për sigurimin e të pandehurve në procedurë penale, nga Gjykata kompetente në Gjilan.

Gjatë ekzekutimit të urdhërkontrolleve, në 11 lokacione që lidhen me subjekte ekonomike dhe 17 lokacione që lidhen me persona fizik, janë sekuestruar sasi e konsiderueshme e gjedheve, armëve, sendeve dhe artikujve të dëmshëm ushqimor, mjete që kanë shërbyer për kryerjen e veprave penale, si dhe prova tjera që do të shërbejnë në procedurë të mëtejme penale.

Ndërsa, numri i personave të ndaluar që nga fillimi i këtij aksioni ka shkuar në 59.

Prokuroria Themelore në Gjilan, në koordinim dhe bashkëpunim me Policinë e Kosovës dhe Inspektoratin Policor të Kosovës, do të vazhdojnë të ndërmarrin të gjitha veprimet e nevojshme hetimore lidhur me rastin.

PËRGJIGJU

Please enter your comment!
Please enter your name here