Stuhi me erëra të forta godet Stambollin, katër të vdekur e dhjetëra të lënduar

0
35

Stuhi e fuqishme ka goditur disa provinca në Turqi, veçanërisht rajonet e Egjeut dhe Marmarasë duke lënë të vdekur të paktën katër persona në Stamboll dhe një tjetër në Zonguldak.

Në Stamboll era e fuqishme deri në 130 kilometra në orë shkaktoi humbjen e katër jetëve dhe 19 të tjerë u lënduan.

Një sahat-kullë u rrëzua derisa disa avionë nuk mundën të uleshin në dy aeroporte.

Anijet e peshkimit u fundosën në distriktin Pendik derisa ngushtica e Bosforit u mbyll për trafikun e anijeve për shkak të kushteve të këqija atmosferike.

Në Izmir, qyteti i tretë më i madh i vendit në bregdetin e Egjeut, era e fuqishme krijoi dallgë të mëdha duke mbuluar rrugët përgjatë bregut të detit duke detyruar autoritetet të ndalonin shërbimet e trageteve dhe tramvajit.

Era e fortë ka prekur edhe pjesë të tjera të vendit duke rrëzuar pemë, çati të ndërtesave dhe duke shkaktuar dëme të tjera materiale.

PËRGJIGJU

Please enter your comment!
Please enter your name here