Zaev: Takimi i Pendarovskit me Makronin do të jetë në dobi të vendit

0
6

Kryeministri Zoran Zaev e ka përshëndetur takimin e paralajmëruar të presidentit Stevo Pendarovski me kolegun e tij francez, Emanuel Makron dhe konsideron se ajo mund të jetë në ndihmë dhe mundësi edhe njëherë të bisedohet dhe të paraqiten argumentet që janë në anën tonë rreth procesit të zgjerimit.

“Jam i lumtur që përfundimisht përfaqësues i jonë i lartë, ndërsa ai është njeriu i parë i shtetit, presidenti Pendarovski do të mund të shihet me njeriun e parë të Francës mike. Kjo për ne është mundësi edhe një herë të bisedohet me gjitha argumentet që janë në anën tonë, që presidenti Makron edhe njëherë t’i rishikojë situatat në frymën e procesit paralel të metodologjive të reja që të zhvillohet vetë procesi, pasi është me rëndësi jo vetëm për Republikën e Maqedonisë së Veriut, apo Ballkanin Perëndimor por edhe Evropën. Me rëndësi është me të vërtetë për mbarë kontinentin evropian, si dhe për BE-në. Besoj se do të jetë mundësi e shkëlqyeshme t’i paraqesim qëndrimet dhe argumentet tona lidhur me këtë çështje”, ka thënë Zaev duke u përgjigjur në pyetjet e gazetarëve pas tryezës së rrumbullakët në Kuvend për ndryshimin e modelit zgjedhor.

Ai ka shfaqur shpresë se në të ardhmen do të mund të takohet edhe ai me Makronin, duke shtuar se “tre katër muaj ka kërkuar takim”.

“Shpresoj se në të ardhmen edhe unë do të kem atë mundësi. Unë jam i lumtur që presidenti do të shihet dhe e dini tre katër muaj kam kërkuar edhe unë takim, me siguri edhe presidenti Pendarovski ka kërkuar takim me presidentin Makron, por jam i lumtur që përfaqësuesi i parë i vendit tonë do të realizojë takim i cili mund të jetë vetëm në ndihmë të vendit”, ka thënë Zaev.

PËRGJIGJU

Please enter your comment!
Please enter your name here